قالت المخرجة إيناس الدغيدي، إنها اختلفت مع الفنان أحمد زكي، أثناء تصوير فيلم «استاكوزا»، مشيرة إلى أن مشكلة كبيرة كانت ستتسبب في عدم إكمال العمل.

وأضافت خلال لقاء لبرنامج «القرار»، المذاع عبر فضائية «الغد»، أن زكي كان في أوج تألقه بذلك الوقت، وترك موقع التصوير دون أن يخبر أحدًا بسبب غضبه.

وأكملت: «لسة بنقول أستاذ أحمد يتفضل ففوجئنا إنه مشي من غير ما يقول لمخرج أو منتج أو مساعد مخرج، وده كله عشان زعل»، بحسب تعبيرها.

ولفتت إلى أنها تحدثت علانية مع زكي أمام موقع التصوير حول ما فعله، مضيفة: «قلت له: نجوميتك دي تعملها على الولاد اللي في الشارع اللي وأنت ماشي بيقولوا لك أحمد زكي، لكن أنت هنا عندنا مش أحمد زكي، أنت الشخصية اللي بتلعبها وزيك زي اللي بيشيل الكاميرا ومدير التصوير والمنتج، إحنا جماعة مفيش حد مميز».

واستطردت: «في الأول اتعصب وزعل، بعدها قال لي إحنا أصحاب وأنا مقتنع بيكي جدًا ولو مش مقتنع مكنتش عملت الفيلم وأنا زعلتك وحقك عليا، وبعد شوية خد الشبشب اللي لابسه وضرب روحه بالشبشب عشان زعلني»، وفقًا لوصفها.

اختلفتُ أنا وأحمد زكي في فيلم «إستاكوزا» وضرب نفسه بسببي#القرار #ناديا_الزعبي #قناة_الغد pic.twitter.com/fCt6Cr7eJ0

— قناة الغد (@AlGhadTV) August 31, 2024